∴大醉几天○

唔好意思呀！咁耐先講番添...希望大家明白要時間整理呀！哇...哇...好順利完成依個旅程呀！真係...實在令我畢生難忘囉！第一日(17/11)......去之前都有d擔心...捱唔捱到嫁我？不過...都好想試吓女人唔易做7，就將一切交給神為我安排啦！依一日...係俾我哋大家認識及討論之後六日的行程和執拾行裝，吓...唔係嘛...要試水跳碼頭，今日係11月中喎，又接近黃昏冇咩太陽添，仲要係...係咁...高跳水，好唔想跳啫，唉...好凍呀！上水果吓...真係凍到震嫁！走快兩步去沖噃個熱水涼先...要係限時內沖完先可以去食飯吖靓太唔易做，好耐都冇試過沖得咁快，感到似特訓開始嘞！食完飯...要繼續執嘢，嘩...哇...好多嘢要拎呀，我哋依組得六個人咋，好彩係三男三女啫，如果...唔係就要拎多個營...真係幾慘！唔覺唔覺...咁又執到成十一點，要快d訓覺，聽朝要一早六點起身開始依個艱辛的旅程啊！ 第二日(18/11)...尋晚都訓得唔好，一向醒訓又唔係咁易訓得到的我...依然又係訓咗好耐先訓得著，所以只係訓咗幾個鐘。訓唔夠...就食噃個早晨提提神先，要食多d...之後幾日都唔會有好嘢食嫁！食完仲要去定大便先好出發女人唔易做22，之後幾日都要週圍放嘞！對我依個未划過獨木舟的人，要一個鐘內學識基本技巧，跟著...就同班未有默契的隊友出海，仲係要划三日添，雖然...會著住救生衣啫，哈哈...但都真係幾...幾驚囉！我哋兩個人一隻獨木舟，每隻一男一女，總共三隻，教練自己一隻。十點幾...終於要出發嘞，今日我坐前面划，划咗一陣都已經好倦嘞，哇...真係要用好多力，又要用手力、又要用腰力，兩隻腳又要屈住，個太陽又曬住，唉…划咁耐都仲見到營地喎，幾時先到今日個目的地喔！一、二…一、二…要努力划女人唔易做16，講真…真係仲未掌握到點先行得快d，見到另一對隊友好合拍呀，心裡面係度諗點解我哋唔可以好似佢哋咁合拍呢？十二點幾…係個唔知咩島降落咗開餐，哎吔…用咗咁多力好肚餓嘞，大家補充體力後，又要繼續趕路，我哋一定要係天黑前去到今日個目的地貢杆島扎營嫁，大家要加油呀！終於…我哋無驚無險接近五點到咗個島扎營、煮飯，哎呀…隻右手好鬼痛添，實係用錯力嘞！仲有兩日要划嫁，希望…聽日唔好痛到用唔到力啦！今晚係我哋女仔下廚，講真…我好似N咁多年未試過用COOKSET煮嘢食囉女人唔易做5，真係要重新學過點用先得。好彩煮完晒先天黑，唔係就好唔方便嘞！唉…個月亮好光呀，第一晚喺月色下、聽住海浪聲食飯，真係…令我感到大自然的美好喔！第三日(19/11)…天未光就要起身啦，好想訓多陣囉！要快手快腳煮早餐、收營，仲要執番好d物資落艇，所以每日都會搵一個人做組長…負責安排依d點分工！今日的天氣都好好，教練話…尋日我哋都划咗一日，應該都掌握到嫁嘞！今日我哋一齊試吓過gap喎！吓…唔係嘛…咁鬼難，唔好講笑啦，好驚果喎！講真…真係未覺得掌握到，而且仲未同個艇友有默契囉！哈哈…今日要換換位，我要坐後面划，尋日坐前面划得咁辛苦，都知佢係後面偷懶冇出力，我係女仔嚟嫁嘛，冇理由要我划到隻手咁痛，依家都唔係點用到力添，今日輪到我要偷懶休息吓啦！哎…好彩第一個gap都安全過咗，嘩…第二個gap好驚呀！哇…哇個洞好窄添，好難控制隻艇…好難划呀！啪…啪…撞嘞…點算？原來真係要好多溝通先得，我以為只要跟住佢節奏咁划就得！但到撞依一刻…先覺佢唔講…我唔知前面係點？我唔知點划先啱？所以真係要講…要問…要溝通…至可以逃出依個洞，其實…依個gap都為我哋增加了不少默契，亦都成功完成依個挑戰！到第三個gap啦，好緊張…見到大石gap左右都捲起浪，前一隻艇的隊友順利過咗，但又見後面有浪捲前，心裡面…真係好驚過唔到…會翻艇呀！艇友仔…點算好呀？佢好鎮定…一路叫我唔好驚…聽住佢講…快d用力跟住划，要快過d浪行前，講真…幾隻艇之中，最掌握得差就係我哋依隻，哎…都有心理準備係我哋翻艇，不過…都會盡力，希望唔會啦！跟住我哋後面一隻艇的隊友係掌握得最好的，我諗佢哋一定冇我哋咁驚，但見到後面個浪捲得好高喔，海水波濤起伏，真係好似玩海盜船咁刺激，真係好…好彩我隻艇順利過咗，但以為佢哋都會跟住過到，可惜…佢哋冇我哋咁好運添，佢哋被後面個大浪捲前覆蓋咗…翻咗呀！好慘呀…見到佢兩個跳咗出艇，又唔知點去幫手好喎？大浪終於過去，眼見暈暈地的佢哋好辛苦咁救艇，要吸晒艇d水出嚟，先可以繼續前進，依一刻…真係感到有驚無險，大家都仍然好平安！接近黃昏時，陽光射係海水上的倒影真係好靚，平時…真係冇得咁樣…坐係個海中享受大自然的美景，可惜之前翻艇的隊友跌咗個相機落水壞咗啦，唔係就可以影吓依d咁靚的風景，不過…佢都好慘…犧牲咗個相機，真係好偉大喔！今晚我哋係依個好靚的白腊扎營，我好耐以前都嚟過，依個灘真係環保好靚，月光射到個灘好光，唔洗開電筒都見到嘢，第二晚係海灘訓覺，雖然勞動咗成日都已經好倦，但我仍然要聽一陣海浪聲先可以訓著，有時…真係好羡慕d隊友話訓就訓，我都好想可以咁囉！>>>QQ470681378